Búgin Almatydan Nur-Sultan qalasyna  № 2100 reısimen 07:05-te ushyp shyqqan «Bek Eır» áýe kompanıasynyń ushaǵy Almaty oblysynyń Gúldala jáne Álmerek aýylynyń arasynda úıdiń ústine qulaǵan.

Qaza tapqandar men jaralanǵandar bar. Aldyn ala jetken málimet boıynsha ushaq apatynan 12 adam qaza tapqan. 12 adam jaralanǵan. Zardap shekken 8 adam №4 qalalyq aýrýhanaǵa, al 4 bala №1 qalalyq aýrýhanaǵa jatqyzylǵan. Ushaq qulaǵan aýmaqta qazirgi tańda 40-qa jýyq jedel járdem brıgadasy qyzmet kórsetýde.

Aldyn ala jetken málimetter boıynsha qaza tapqandardyń arasynda Qazaqstan generaldar keńesiniń tóraǵasy Rústem Qaıdarov bar.

Ómirbaıany:
Rústem Esimhanuly Qaıdarov (1940 j. 18-mamyrd Semeı oblysy Besqaraǵaı aýdany Sosnovka aýylynda týǵan) - «Qorǵaý» jınaqtaýshy zeınetaqy qory» AQ prezıdenti, Profesor (1998). RJǴA korespondent múshesi (2001), HAA akademıgi (2002). Mılısıa general-maıory (1990), ádilet general-maıory (1995).

1970 j. S.M. Kırov atyndaǵy QazMÝ-di bitirgen, zańger.

1956-61 jj. - Semeı aýyl sharýashylyǵyn mehanızasıalaý ýchılıshesinde júkshi, elektrkesýshi, traktorshy, master.

1961-64jj. -  Keńes armıasynyń qatarynda azamattyq boryshyn ótegen.

1964-66 jj. - aýyldyq PTÝ masteri, dırektorynyń kómekshisi.

1966-76 jj. -  Semeı oblysy atqarý komıteti İİB operatıvtik ýákili, tergeýshisi, aǵa tergeýshisi, Semeı qalasy mılısıa bastyǵynyń orynbasary, Kırov AİİB bastyǵy, oblysy atqarý komıtetiniń İİB tergeý bólimi bastyǵynyń orynbasary.

1976-80 jj. - oblystyq partıa komıtetiniń nusqaýshysy.

1980-82 jj. -  Qazaqstan kompartıasy OK nusqaýshysy.

1982-85 jj. - Semeı oblysy atqarý komıteti İİB bastyǵynyń orynbasary.

1985-90 jj. -  Jezqazǵan oblysy atqarý komıteti İİB bastyǵy.

1990-92 jj. - KSRO İİM-niń Qazaqstan jáne Qyrzyzstan boıynsha uıymdasqan qylmysqa jáne jemqorlyqqa qarsy kúres jónindegi aımaqaralyq basqarmasynyń bastyǵy.

1992-95 jj. - QR ishki ister mınıstriniń orynbasary - bas tergeý basqarmasynyń bastyǵy.

1995-96 jj. - QR MTK tóraǵasynyń 1-shi orynbasary.

1996-97 jj. - QR MTK Joǵary tergeý mektebiniń kafedra bastyǵy.

1997-99 jj. - QazMZÝ kafedra meńgerýshisi.

1999 jyldan - «Qorǵaý» jınaqtaýshy zeınetaqy qory» AQ prezıdenti.

Qoǵamdyq qyzmeti:

Respýblıkalyq qylmysqa qarsy jáne jemqorlyqqa qarsy kúresti qoldaý qorynyń prezıdenti (1995)

 «Generaldar keńesi» QB Tóralqasynyń tóraǵasy (2000).